Panfletos antisemitas


PANFLETOS QUE AFIRMAN QUE O "PRIVILEXIO XUDEU" É A CLAVE DA INXUSTIZA SOCIAL NOS ESTADOS UNIDOS, DISTRIBUÍDOS NO CAMPUS DA UNIVERSIDADE DE ILLINOIS EN CHICAGO

Os panfletos, que se atoparon o martes e o mércores espallados polo campus, reclamaban que "rematar co privilexio branco comeza por rematar co privilexio xudeu". Citando datos dunha enquisa do PEW sobre a poboación xudía americana, os panfletos afirmaban que o 44% dos xudeus estadounidenses están dentro do "1%" que representa á clase económica superior nos Estados Unidos.

"É o 1% dos homes brancos? Ou é o 1% xudeu?", preguntábase o panfleto, mostrando unha pirámide de poboación na que a parte superior estaba poboada case na súa totalidade con figuras estampadas con grandes estrelas de David. A base da pirámide está marcada como "o 99%" e "goyim".

O Chicago Metro Hillel, que se edita dentro da universidade, solicitou á universidade que investigase os panfletos e convocase a unha reunión co decano da escola dos estudantes. O mércores, a universidade emitiu un comunicado condenando os panfletos e anunciando unha investigación.


"Uns carteis antisemitas foron atopados no campus difamando, insultando e retratando negativamente aos membros xudeus da nosa comunidade do campus", dixo o comunicado. "Tales accións non reflicten os valores que temos como comunidade. Son manifestacións que invocan o odio e a violencia cara aos membros da nosa comunidade que non serán tolerados no noso campus". O informe de Pew do 2009 que utilizaba o panfleto comentaba "a distribución por ingresos dentro dos grupos relixiosos dos Estados Unidos", e mostraba que o 46% dos fogares xudeus ten un ingresos anuais duns 100,000$. O estimado para ser considerado da clase económica superior en USA (o 1%) non pode ser menor de 350,000$ 

Comentarios